குறிஞ்சி - தலைவன் கூற்று
பூ ஒத்து அலமரும் தகைய ஏ ஒத்து
எல்லாரும் அறிய நோய் செய்தனவே
தேமொழித் திரண்ட மென்தோள் மாமலைப்
பரீஇ வித்திய ஏனல்
குரீஇ ஓப்புவாள் பெரு மழைக் கண்ணே.
-மள்ளனார்
அலமருதல் - சுழலுதல். ஏ - அம்பு. பரீஇ - பருத்தி.
வித்திய -விதைத்த. ஏனல் - தோட்டம். குரீஇ - குருவி.
ஓப்புதல் - ஓட்டுதல். மழை – குளிர்ச்சி.
பூப்போன்று அழகு கொண்டன.
சுற்றிச் சுழல்வன.
அம்பு போல் தாக்கி
எல்லாரும் அறிய என்னை நோய் செய்தன.
தேன் மொழி பேசும்
திரண்ட மென் தோள்கள் கொண்ட,
மலையில் பருத்தி விதைக்கப்பட்ட தோட்டத்தில்
குருவி ஓட்டுபவளின்
குளிர்க் கண்கள்.
No comments:
Post a Comment