மருதம் - தோழி கூற்று
ஊர்க்கும் அணித்தே பொய்கை பொய்கைக்குச்
சேய்த்தும் அன்றே சிறு கான் ஆறே
இரைதேர் வெண் குருகு அல்லது யாவதும்
துன்னல் போகின்றால் பொழிலே யாம் எம்
கூழைக்கு எருமண் கொணர்கம் சேறும்
ஆண்டும் வருகுவள் பெரும் பேதையே.
-மாதீர்த்தனார்
அணித்து - அருகில். பொய்கை - நீர்நிலை. சேய்மை - தூரம். கான் - காடு. குருகு - நாரை. துன்னல் - நெருங்குதல். கூழை - கூந்தல்.
தலைவியைச் சந்திக்கத் தோதான இடத்தைக் குறிப்பிட்டு, தலைவனுக்குத் தோழி சொன்னது.
ஊர்க்கு அருகில் நீர்நிலை.
நீர்நிலைக்கு அருகில் சிறிய காட்டாறு.
இரைதேடும் வெண் நாரையைத் தவிர
எதுவும் நெருங்காத சோலை.
நாங்கள் எம் கூந்தலுக்கு எருமண் எடுக்க வருவோம்.
எம்முடன் அங்கு வருவாள் தலைவி.
எருமண் - ஆற்றங்கரை மண். பெண்கள் கூந்தலைச் சுத்தப்படுத்தப் பயன்படுத்துவர்.
No comments:
Post a Comment