குறுந்தொகை 6 - யான் மன்ற துஞ்சாதேனே

நெய்தல் - தலைவி கூற்று

நள் என்றன்றே யாமம் சொல் அவிந்து

இனிது அடங்கினரே மாக்கள் முனிவு இன்று

நனந்தலை உலகமும் துஞ்சும்

ஓர் யான் மன்ற துஞ்சாதேனே.

 

-பதுமனார்

 

யாமம் - நடுச் சாமம். முனிவு - வருத்தம். இன்று – இல்லாமல். நனந்தலை - பரந்த இடம். துஞ்சுதல் – தூங்குதல். மன்ற – உறுதியாக.

 

தலைவனின் பிரிவால் வருந்திய தலைவி சொன்னது.

 

நள்ளென்ற நடுச் சாமம்.

சொல் ஓய்ந்து

இனிது அடங்கினர் மக்கள்.

துயரம் இன்றி

பரந்த உலகமும் தூங்குகிறது.

நான் மட்டும் உறங்கவில்லை.